buhay aplikante
Thursday, July 31, 2008
presenting... mga samu't-saring kakornihan na karaniwang pinagdadaanan ng isang pinoy job-hunter bago maging ganap na empleyado dito sa pinas. (drumroll please.. tentenenen...)
1. gumising ng maaga para makarating ng tama sa oras sa interview (take note, naka-schedule ka ng 8:00 am) pero nang dumating ka, pinaghintay ka muna ng dalawa at kalahating oras bago interbyuhin.
2. magsuot ng formal/business attire kahit na tirik na tirik ang araw. kaya naman pagdating mo sa interview, para kang basang sisiw na binuhusan ng isang baldeng malagkit na pawis. (eeww!)
3. makipagsiksikan sa mrt at makipag-agawan ng kopya ng Libre. (not to mention ang sobrang habang pila bago makaakyat sa station at makakuha ng ticket).
4. sumakay sa ordinary bus ng naka-business attire (with matching necktie pa) habang may dalang folder/envelope. (yung tipong mukha kang ahente ng lupa na 'di naka-quota)
5. at naipit ka pa sa traffic.
6. bumili ng broadsheet tuwing linggo. idagdag na din ang pagbebenta nito kada dalawang buwan sa mga dumadaang magbobote. (at nakipagtalo ka pa kung dadangkalin o kikiluhin yung ibinebenta mong dyaryo)
7. magpa-print ng sampung kopya ng iyong resume.
8. mag-sign up sa jobstreet at jobsdb, at magcheck ng email araw-araw.
9. mag-nobena gabi-gabi at magmakaawa sa Panginoon na sana bigyan ka na ng trabaho.
10. bumili ng librong may temang "How to Pass an Interview?" at ang mga nakasulat dito ang isinasagot mo kapag ini-interview ka.
11. bumili ng city map ng kalakhang maynila na s'ya mong babaunin kapag aalis ka para hindi ka maligaw.
12. dumiretso sa mall pagkatapos ng exams at interview (wala lang, magpapahangin lang), at feeling mo tanggap ka na. pero makalipas ang dalawang linggo, disappointed ka pa rin kasi di pa rin tumatawag yung inapplyan mo.
13. maghanap ng mga agimat at anting-anting sa quiapo na pampaswerte daw sa trabaho.
14. magtirik ng samu't-saring kulay ng kandila sa simbahan at maglakad ng nakaluhod patungo sa pulpito.
15. makipag-plastikan sa mga interviewer (kasama na dito ang pagngiti, pagbati, pagsasabi ng mam at sir, etc. kahit mukha namang alpombra yung kausap mo)
16. maging hambog at mahangin tuwing interview (in short, natututo kang magsinungaling).
17. nagpapanting ang tenga mo sa linyang, "okay, we will evaluate your credentials and give you feedback after a week." at katulad sa #12, dalawang linggo na ang lumilipas wala pa ring tawag para sa 'yo. (naman, asa ka pa)
18. mangarir ng mga essays sa exams.
19. sumakay ng taxi sa makati o ortigas (at nalaman mo na pwede naman palang lakarin yung kumpanyang pupuntahan mo).
20. maparinggan ng mga magulang mo dahil hingi ka na lang ng hingi ng baon sa kanila tuwing may interview ka. at tulad ng dati, uuwi ka na naman sa bahay na wala pa ding trabaho.
mahirap maging aplikante dito sa pinas. kaya kung may trabaho ka na, mas maswerte ka ng di hamak sa mahigit dalawang milyong pilipinong hindi nakakatanggap ng payslip tuwing kinsenas. kaya ipagmalaki at isigaw mo kaibigan, "may trabaho na ako! wohooo!"[para sa mga aplikante at mga magpagpanggap sa trabaho]
